Hau da guk aukeratu dugun olerkia.
Lagun bat da.

https://www.youtube.com/watch?v=CrnTyBGQ7ng

file:///C:/Users/usuario/Documents/Camtasia%20Studio/EUSKERA%20TERMINADO%20LAGUN%20BAT/EUSKERA%20TERMINADO%20LAGUN%20BAT.html

OLERKIA

Hau da guk aukeratu dugun olerkia. Olerkia Joxantonio Ormazabalena da.

AMETSAK

Maindire zuri artean
ezkutatzen dira nire ametsak.

Berdinak direla
zuriak eta beltzak.

Nazio probreei laguntzen dietela
nazio aberatsak.

Diruak baino gehiago
balio duela bizitzak.

Isildu direla betirako
bonba eta fusil hotsak.

Baina jaikitzen naizenean
pena hartzen du nire bihotzak.

Maindire zuri artean
ezkutatzen direlako nire ametsak.

OLERKIAK

Hau da guk aukeratu dugun olerkia. Olerki hau Joxantonio Ormazabalena da.

Zenbat ur tanta daude
itsas zabalean?
Zenbat izar
zeru urdinean?
Zenbat letra
 liburuetan?
Zenbat minutu
ote ditu
mundu zahar honek?
Infinitu.
Zenbat malko isuri dira
sufrimentuaren ontzitik?
Zenbat musu banatu dira
maitasunaren kutxatik?
Infinitu.
Baina infinitu
zenbat da, aizu?
Malkoak ur tanta
bihurtzen direnean
minutuak letra
eta izarrak musu
infinitu zenbat den
orduan jakingo duzu.

LIBURUA-OLERKIA

Hau da guk aukeratu dugun olerkia Liburua izenekoa da. Olerkia Kirmen Uriberena da. Zure gustokoa izetea espero dugu. Behean gu egindako bideoa dago.

LIBURUA

Behin amak

azokara eraman ninduen.

Han txito bat erosi zidan.

Txitoa kartoizko kutxa batean zetorren.

Amak nire eskuetan

jarri zuen kutxa.

Senti nezakeen

nire esku-ahurretan

txitoaren hanka txikiak.

Liburua horixe da:

kartoizko kutxa bat

barruan zerbait bizia duena.

Hau da guk aukeratu dugun olerkia.Olerki hau Joxantonio Ormazabalrena da.

"ZORIONAK ZURI"

Hamar urte

bete ditut bete,

etxean eta kanpoan

zoriondu naute,

bi belarriak, tira eta tira,

gorritu dizkidate.

Erregaliak ere jaso ditut

ez gutxi, dexente.

Orain mahai baten inguruan gaude 

gaileta, pasta eta txokolate 

eta lagun guztiak niri kantan:

"Zorionak zuri, Bixente".

EZIN ESAN

Hau da guk aukeratu dugun olerkia. Olerki hau Kirmen Uriberena da.



EZIN ESAN         Kirmen Uribe , 2001   

Ezin da esan Libertatea, ezin da esan Berdintasuna,
ezin da esan Anaitasuna, ezin esan.
Ez zuhaitz ez erreka ez bihotz.
Ahaztu egin da antzinako legea.

Uholak eraman du hitzen eta gauzen arteko zubia.
Ezin zaio esan tiranoak erabaki irizten dionari heriotza.
Ezin da esan norbait falta dugunean,
oroitzapen txikienak odolusten gaituenean.

Inperfektua da hizkuntza, higatu egin dira zeinuak
errotarri zaharrak bezala, ibiliaren ibiliz. Horregatik,

ezin da esan Maitasuna, ezin da esan Edertasuna,
ezin da esan Elkartasuna, ezin esan.
Ez zuhaitz ez erreka ez bihotz.
Ahaztu egin da antzinako legea.

Alabaina «ene maitea» zure ahotik entzutean
aitor dut zirrara eragiten didala,
dela egia, dela gezurra.

Hau da guk aukeratu dugun olerkia; olerki hau Ignazio Aiestaranena da.

SENTIMENDUEN IPARRORRATZA

Mendebaldean

Missouri eta Bravo del Norte ibaien artean

Ameriketako Estatu Batuak ditugu.

Ekialdean

Beltza eta Sungari ibaien artean

Txina dugu.

Iparraldean

Rhin eta Elba ibaien artean

Alemania dugu

Hegoaldean

Orange eta Olifants ibaien artean

Hegoafrika dugu.

Hemen

Ebro eta Aturri ibaien artean

bihotza dugu.

Hau da guk aukeratu dugun olerkia:

Bada gorroto dudan lagun bat.
Zuhaitzean gorfa egin nahi dudanran.
"ez, ez, ez, hobeto ez," esaten dit,
"laprast eroriko zara lurrera".


Bada gorroto dudan lagun bat.
Futbolean jolastu nahi dudanean
"ez, ez,ez, hobeto ez, esaten dit,
"ipurdi azpitik sartuko dizute gola".


Bada gorroto dudan lagun bat.
Gustoko nerkarengana haurreratzen
"ez, ez, ez, hobeto ez," esaten dit,
"ez du zurekin nahiko berak".


Bada gorroto dudan lagun bat.
Amaia txikiari musu eman nahi diodanean
"ez, ez, ez, hobeto ez" esaten dit
"esnatu egingo da berehala".


Bada gorrtoto dudan lagun bat.
Lagun horren izena Lotsa da.
"Ez, ez, ez, inola ez" estaen diot gauero
"bihar ez dizut kaskurik egingo bada".


Olerkia Kirmen Uriberena da.

Hau da guk aukeratu  dugun olerkia: Infinitu
Zenbat ur tanta daude
itsas zabalean?
Zenbat izar
zeru urdinean?
Zenbat letra
liburuetan?
Zenbat minutu
ote ditu
mundu zahar honek?
Infinitu.
Zenbat malko isuri dira
sufrimentuaren ontzitik?
Zenbat musu banatu dira
maitasunaren kutxatik?
Infinitu.
Baina infinitu
zenbat da, aizu?
Malkoak ur tanta
bihurtzen direnean
minutuak letra
eta izarrak musu
infinitu zenbat den
orduan jakingo duzu.
Olerki hau Joxantonio Ormazabalena da

Hau da guk aukeratu dugun olerkia: MUNDUARI BEGIRATZEKO 

Munduari begiratzeko modu bat,
laguntzarrekin kantatzeko modu bat,
horman eguzkia hartzeko modu bat,
itxaroten jakiteko modu bat.

Pagoak ukitzeko modu bat,
azala irakurtzeko modu bat,
hego-haizea usaintzeko modu bat,
autoan negar egiteko modu bat.

Ez onena agian,
ez ederrena agian,
zaharregia, txikiegia agian.

Begietara begiratzeko modu bat,
galderak egiteko modu bat,
eskutik heltzeko, heltzeko modu bat
amets egiteko modu bat.

Ez onena agian,
ez ederrena agian,
zaharregia, txikiegia agian.

Olerkia Kirmen Uriberena da.